ក្រសួងសុខាភិបាលប្រកាស រកឃើញអ្នកឆ្លងថ្មី ៦១៨នាក់ទៀត (សហគមន៍ទាំង ៦១៨នាក់) និងជាសះស្បើយ ៦០នាក់

(ភ្នំពេញ)៖ ក្រសួងសុខាភិបាល នៅព្រឹកថ្ងៃទី១៨ ខែមេសា ឆ្នាំ២០២១នេះ បានចេញសេចក្តីប្រកាសព័ត៌មាន បញ្ជាក់ពីការបន្តរកឃើញអ្នកឆ្លងកូវីដ១៩ ថ្មីរហូតដល់ ៦១៨នាក់ ដែលភាគច្រើនបំផុត ជាអ្នករស់នៅរាជធានីភ្នំពេញ ខណៈអ្នកជំងឺចំនួន៦០នាក់បានជាសះស្បើយ និងអនុញ្ញាតឲ្យចេញពីមន្ទីរពេទ្យ។

សេចក្តីប្រកាសព័ត៌មាន ដែលទទួលបានបញ្ជាក់ថា ភ្នំពេញ (៤៩៣) ព្រះសីហនុ (៧៥) កណ្ដាល (៣១) ស្វាយរៀង (៨) ព្រៃវែង (៥) កំពង់ស្ពឺ (៣) តាកែវ (២) កំពង់ចាម (១)។

សម្រាប់អ្នកជាសះស្បើយទាំង ៦០នាក់វិញ មានម្នាក់ជាអ្នកដំណើរមកពីក្រៅប្រទេស គឺជាបរុសជនជាតិឥណ្ឌូនេស៊ី អាយុ៣៣ឆ្នាំ និង៥៩នាក់ ជាអ្នកឆ្លងក្នុងសហគមន៍ នៃព្រឹត្តិការណ៍២០កុម្ភៈ ដោយទទួលទ្ធផលធ្វើតេស្តអវិជ្ជមាន២លើក ត្រូវបានអនុញ្ញាតឲ្យចេញពីមន្ទីរពេទ្យ ប៉ុន្តែត្រូវបន្តធ្វើចត្តាឡីស័ក១៤ថ្ងៃ ដើម្បីតាមដានសុខភាព។

សូមជម្រាបថា គិតត្រឹមម៉ោង៧ព្រឹក ថ្ងៃទី១៨ ខែមេសា ឆ្នាំ២០២១នេះ កម្ពុជាបានរកឃើញអ្នកឆ្លងសរុបចំនួន ៦ ៣៨៩នាក់ ក្នុងនោះករណីសហគមន៍២០កុម្ភៈ ចំនួន ៥ ៨៤៦នាក់, អ្នកជាសះស្បើយចំនួន ២ ៤៧៦នាក់, អ្នកកំពុងសម្រាកព្យាបាលចំនួន ៣៨៦៥នាក់, អ្នកស្លាប់ចំនួន ៤៣នាក់ និងស្លាប់ដោយជំងឺផ្សេង ពេលកំពុងព្យាបាលកូវីដ១៩ចំនួន ៥នាក់។

១

២

៣

៤

៥

៦